Föst í umferð á hraðbraut

Vöknuðum hálf tíu í morgun þvílíkar svefnpurkur fengum okkur smá að borða og drifum okkur út í þetta yndislega veður sól og blíða var reyndar svolítið rok. Fórum til Malmö í kaffi til Guðrúnar Bjarnadóttur, Hvanneyrings og stoppuðum þar í um tvo tíma. Á bakaleiðinni fórum við hraðbrautina og  lentum við í rúmlega klukkustundar  umferðarteppu sem myndaðist þegar kviknaði í  bíl. Hraðbrautin var bara ein akrein þarna, þannig að ekki var möguleiki að komast framhjá og slökkvibíllinn var í vandræðum með að komast að bílnum. Engin slys urðu á fólki, nema andleg af völdum langrar biðar. Set mynd af því þegar við bíðum í biðröðinni.

 

 

 

 

 Þegar heim var komið í Jagersro fór Gaui aðeins að vinna í tölvunni svo ég (Hugrún) ákvað að fá mér göngutúr um hvervið, það er svo notalegt vera með mp3 spilarann og hlusta á Mýrina eftir Arnald sem Kiddi bróðir var svo frábær að redda mér.

Athugasemdir

[Anna María Sigurðardóttir (IP-tala skráð) 3.5.2008 kl. 17:27]

Hæhæ.

Ég hitti Lollu í Smáralind áðan og var að spyrja um ykkur. Hún sagði mér að þið væruð með svona ferðablog. Hún mundi ekki slóðina en ég auðvitað Googlaði ykkur bara :)

Það er frábært að geta fylgst með ykkur þetta er algjört æintýri. Gangi ykkur el og hafið það sem allra best.

Kveðja Anna María og co